Ku itariki ya 28 Mata 2023, muri IPRC Musanze habereye umuhango wo Kwibuka ku nshuro ya 29 Jenoside yakorewe Abatutsi muri Mata 1994. Ni igikorwa kitabiriwe n’abanyeshuri n’abakozi ba IPRC Musanze, Ubuyobozi bw’akarere ka Musanze, inzego z’umutekano, Ubuyobozi bwa AERG National, abahanzi baririmba ibihangano bifasha kwibuka, n’abandi.

Mu kiganiro cyatanzwe na UWIZEYE Justin, yasobanuye uko abanyarwanda bari babanyeho mbere y'umwaduko w'abakoroni, uko baje kuremwamo amacakubiri, ndetse n'uburyo Jenoside yateguwe ikanashyirwa mu bikorwa.

NDUWAYESU Elie warokotse Jenoside mu 1994, yatanze ubuhamya bw'ubuzima bukomeye yanyuzemo haba mbere ya Jenoside, mu gihe yakorwaga, ndetse na nyuma yayo uburyo ataheranwe n'amateka, akiyubaka. Yashimiye kandi Ingabo za FPR Inkotanyi zo zahagaritse Jenoside.

Umuyobozi ukuriye Ibuka mu karere ka Musanze, RUSISIRO Feston yasabye abanyeshuri kwihatira kumenya amateka mabi yaranze igihugu, mu rwego rwo guhangana n'abapfobya bakanaha ishingiro Jenoside yakorewe Abatutsi mu 1994, by'umwihariko bakabikora bifashishije imbuga nkoranyambaga.

Eng. ABAYISENGA Emile, Umuyobozi wa IPRC Musanze, yihanganishije  ababuze ababo bishwe urw’agashinyaguro mu gihe cya Jenoside, n’abatarabashije kumenya aho biciwe ngo babashyingure mu cyubahiro, abasaba kwishimira ko bakiriho kugirango buse ikivi cyabo. Yashimiye kandi abifatanyije n’ikigo muri uwo muhango wo Kwibuka, anashimira ubutwari bukomeye abarokotse bagize bwo kubabarira ababiciye, no kuba bataraheranwe n’amateka, bakiyubaka.

Meya w’akarere ka Musanze Bwana RAMULI Janvier, yakanguriye urubyiruko kwigira ku mateka y’abakurambere, barangwaga n’ubumwe n’ubudahemukirane dore ko amacakubiri n’urwango byabibwe mu Banyarwanda aribyo byahembereye Jenoside yakorewe Abatutsi.  "Nk'urubyiruko, igisubizo kirambye cy'ejo hazaza ni uguharanira ubumwe bw'abanyarwanda, kugirango tutazigera dutatira igihango." Bwana RAMULI Janvier, Umuyobozi w'akarere ka Musanze

Muri uwo muhango wo Kwibuka Jenoside yakorewe Abatutsi muri Mata 1994, Ubuyobozi bwa IPRC Musanze bwageneye abarokotse Jenoside yakorewe abatutsi batatu (3) batishoboye, inkunga ingana na miliyoni n’ibihumbi magana atatu (1,300,000 Rwf), mu rwego rwo kubafasha kwiteza imbere binyuze mu bucuruzi bucirirtse.

                                      Uwizeye Justin, ageza ikiganiro kijyanye no Kwibuka kubitabiriye iwo muhango

                                                         Nduwayesu Elie, atanga ubuhamya bw'uko yarokotse Jenoside

Nshimiyimana Eric 

Public Relations and Communication Officer

Ku itariki ya 28 Mata 2023, muri IPRC Musanze habereye umuhango wo Kwibuka ku nshuro ya 29 Jenoside yakorewe Abatutsi muri Mata 1994. Ni igikorwa kitabiriwe n’abanyeshuri n’abakozi ba IPRC Musanze, Ubuyobozi bw’akarere ka Musanze, inzego z’umutekano, Ubuyobozi bwa AERG National, abahanzi baririmba ibihangano bifasha kwibuka, n’abandi.

Mu kiganiro cyatanzwe na UWIZEYE Justin, yasobanuye uko abanyarwanda bari babanyeho mbere y'umwaduko w'abakoroni, uko baje kuremwamo amacakubiri, ndetse n'uburyo Jenoside yateguwe ikanashyirwa mu bikorwa.

NDUWAYESU Elie warokotse Jenoside mu 1994, yatanze ubuhamya bw'ubuzima bukomeye yanyuzemo haba mbere ya Jenoside, mu gihe yakorwaga, ndetse na nyuma yayo uburyo ataheranwe n'amateka, akiyubaka. Yashimiye kandi Ingabo za FPR Inkotanyi zo zahagaritse Jenoside.

Umuyobozi ukuriye Ibuka mu karere ka Musanze, RUSISIRO Feston yasabye abanyeshuri kwihatira kumenya amateka mabi yaranze igihugu, mu rwego rwo guhangana n'abapfobya bakanaha ishingiro Jenoside yakorewe Abatutsi mu 1994, by'umwihariko bakabikora bifashishije imbuga nkoranyambaga.

Eng. ABAYISENGA Emile, Umuyobozi wa IPRC Musanze, yihanganishije  ababuze ababo bishwe urw’agashinyaguro mu gihe cya Jenoside, n’abatarabashije kumenya aho biciwe ngo babashyingure mu cyubahiro, abasaba kwishimira ko bakiriho kugirango buse ikivi cyabo. Yashimiye kandi abifatanyije n’ikigo muri uwo muhango wo Kwibuka, anashimira ubutwari bukomeye abarokotse bagize bwo kubabarira ababiciye, no kuba bataraheranwe n’amateka, bakiyubaka.

Meya w’akarere ka Musanze Bwana RAMULI Janvier, yakanguriye urubyiruko kwigira ku mateka y’abakurambere, barangwaga n’ubumwe n’ubudahemukirane dore ko amacakubiri n’urwango byabibwe mu Banyarwanda aribyo byahembereye Jenoside yakorewe Abatutsi.  "Nk'urubyiruko, igisubizo kirambye cy'ejo hazaza ni uguharanira ubumwe bw'abanyarwanda, kugirango tutazigera dutatira igihango." Bwana RAMULI Janvier, Umuyobozi w'akarere ka Musanze

Muri uwo muhango wo Kwibuka Jenoside yakorewe Abatutsi muri Mata 1994, Ubuyobozi bwa IPRC Musanze bwageneye abarokotse Jenoside yakorewe abatutsi batatu (3) batishoboye, inkunga ingana na miliyoni n’ibihumbi magana atatu (1,300,000 Rwf), mu rwego rwo kubafasha kwiteza imbere binyuze mu bucuruzi bucirirtse.

                                      Uwizeye Justin, ageza ikiganiro kijyanye no Kwibuka kubitabiriye iwo muhango

                                                         Nduwayesu Elie, atanga ubuhamya bw'uko yarokotse Jenoside

Nshimiyimana Eric 

Public Relations and Communication Officer