Kuri uyu wa 31 Kanama 2022, Unity Club n’abafanyabikorwa bayo basoje amarushanwa ya Ndi Umunyarwanda Icyiciro cya 2 muri IPRC Musanze. Amarushanwa yakozwe ku bihangano by’ingeri ebyiri ari zo imivugo n’indirimbo, ku nsanganyamatsiko iragira iti: “Ndi Umunyarwanda, umurage tugomba guharanira, gusigasira no kwimakaza.” Gahunda y’amarushanwa n’ibigabarinoro bya Ndi Umunyarwanda bigamije kwigisha Ndi Umunyarwanda no kwimakaza umurage w'Ubunyarwanda mu Rubyiruko. Muri iki gikorwan, hahembwe abanyeshuri bafite ibihangano byahize ibindi ndetse hanatangizwa Ihuriro ry’Ubumwe n’Ubudaheranwa.

Abahanyeshuri bahize abandi ku rwego ishuri, batatu ba mbere muri buri cyiciro (Indirimbo, imivugo ) ni bo bahembwe. Ibihembo byari bikurikiranye mu buryo bukurikira: Aba mbere muri buri cyiciro (indirimbo n’imivugo) bahembwe amafaranga ibihumbi magana atatu makumyabiri na bitanu (325,000Frw), aba kabiri muri buri cyiciro (indirimbo n’imivugo) bahembwa amafaranga ibihumbi magana atatu (300,000 Frw), aba gatatu muri buri cyiciro (indirimbo n’imivugo) bahembwa amafaranga ibihumbi magana abiri na mirongo irindwi na bitanu (275,000 Frw).

Abanyeshuri batsinze mu buryo bukurikira

Indirimbo

1.  Niyomwungeri Israel na Imanizabayo Protegene.

2.  Ishimwe Jean d’Amour, Ishimwe Marie Claire n’Umuziranenge Germaine.

3.  Ntivuguruzwa Isaac.

Umuvugo

1. Umuhoza Nadine.

2. Itangayenda Samuel.

3. Iradukunda Cyprien.

Mu ijambo rye umuyobozi wa IPRC Musanze, Eng. Emile Abayisenga yashimiye Unity Club uruhare igira mu guha uburere abanyeshuri ba IPRC Musanze. Yasobanuye ko iyo uburere butangwa mu gahunda n’ibiganiro bya Ndi Umunyarwanda bihuye n’ubumenyi bwigishwa, bituma IPRC Musanze igera ku burezi bufite ireme kuko abanyeshuri baba bafite ubumenyi n’indangagaciro bibereye umunyarwanda. Yashikarije abanyeshuri kwimakaza ingagaciro za gahunda ya Ndi Umunyarwanda kandi bakazisakaza mu bandi kugira ngo ejo hazaza habe heza.  

Donatien NIKUZE, waje ahagarariye MINUBUMWE muri iki gikorwa, yasobanuye byimbitse Ihuriro ry’Ubumwe n’Ubudaheranwa mu mashuri. Yagaragaje ko iryo huriro rihuza urubyiruko mu mashuri Makuru na Kaminuza, rikaba rigamije gukomeza kubaka ubushobozi n’ubudahangarwa by’urubyiruko nk’uburyo bwo gukomeza kuruha urubuga baganiriramo, rukabafasha gutanga umusanzu wabo mu rugamba rwo kubaka u Rwanda ruzira amacakubiri no kwiyubakamo ubudaheranwa. Yanagaraje inshingano z’Ihuriro ry’Ubumwe n’Ubudaheranwa harimo kwimakaza ubumwe bw’Abanyarwanda binyuze mu biganiro bihoraho bihuza abanyeshuri; kwifashisha ubuhamya bw’abagize Ihuriro mu kwigisha urundi rubyiruko; no kuba umusemburo w’ibikorwa byimakaza Ndi Umunyarwanda.

Mu ijambo rye, Umuyobozi wa Komisiyo yo kuvugurura amategeko, Domitilla Mukantaganzwa, wari umushyitsi mukuru muri iki gikorwa, akaba n’umunyamuryango wa Unity Club, yashimiye abanyeshuri umuhate bashyize mu gukora ubushakashatsi kugira ngo banoze ibihangano byabo kuko byabafashije gusobanukirwa neza gahunda ya Ndi Umunyarwanda. Yasabye abanyeshuri kugira uruhare mu kubaka u rwanda twifuza bimakaza gahunda ya Ndi Umunyarwanda aho bari hose. Yanafunguye Ihuriro ry’Ubumwe n’Ubudaherwanwa muri IPRC Musanze nk’urubuga urubyiruko ruzifashisha mu gutanga umusanzu mu kubaka u Rwanda ruzira amacakubiri.

Protais Niyonshima
Ag. Public Relations and Communication Officer

Kuri uyu wa 31 Kanama 2022, Unity Club n’abafanyabikorwa bayo basoje amarushanwa ya Ndi Umunyarwanda Icyiciro cya 2 muri IPRC Musanze. Amarushanwa yakozwe ku bihangano by’ingeri ebyiri ari zo imivugo n’indirimbo, ku nsanganyamatsiko iragira iti: “Ndi Umunyarwanda, umurage tugomba guharanira, gusigasira no kwimakaza.” Gahunda y’amarushanwa n’ibigabarinoro bya Ndi Umunyarwanda bigamije kwigisha Ndi Umunyarwanda no kwimakaza umurage w'Ubunyarwanda mu Rubyiruko. Muri iki gikorwan, hahembwe abanyeshuri bafite ibihangano byahize ibindi ndetse hanatangizwa Ihuriro ry’Ubumwe n’Ubudaheranwa.

Abahanyeshuri bahize abandi ku rwego ishuri, batatu ba mbere muri buri cyiciro (Indirimbo, imivugo ) ni bo bahembwe. Ibihembo byari bikurikiranye mu buryo bukurikira: Aba mbere muri buri cyiciro (indirimbo n’imivugo) bahembwe amafaranga ibihumbi magana atatu makumyabiri na bitanu (325,000Frw), aba kabiri muri buri cyiciro (indirimbo n’imivugo) bahembwa amafaranga ibihumbi magana atatu (300,000 Frw), aba gatatu muri buri cyiciro (indirimbo n’imivugo) bahembwa amafaranga ibihumbi magana abiri na mirongo irindwi na bitanu (275,000 Frw).

Abanyeshuri batsinze mu buryo bukurikira

Indirimbo

1.  Niyomwungeri Israel na Imanizabayo Protegene.

2.  Ishimwe Jean d’Amour, Ishimwe Marie Claire n’Umuziranenge Germaine.

3.  Ntivuguruzwa Isaac.

Umuvugo

1. Umuhoza Nadine.

2. Itangayenda Samuel.

3. Iradukunda Cyprien.

Mu ijambo rye umuyobozi wa IPRC Musanze, Eng. Emile Abayisenga yashimiye Unity Club uruhare igira mu guha uburere abanyeshuri ba IPRC Musanze. Yasobanuye ko iyo uburere butangwa mu gahunda n’ibiganiro bya Ndi Umunyarwanda bihuye n’ubumenyi bwigishwa, bituma IPRC Musanze igera ku burezi bufite ireme kuko abanyeshuri baba bafite ubumenyi n’indangagaciro bibereye umunyarwanda. Yashikarije abanyeshuri kwimakaza ingagaciro za gahunda ya Ndi Umunyarwanda kandi bakazisakaza mu bandi kugira ngo ejo hazaza habe heza.  

Donatien NIKUZE, waje ahagarariye MINUBUMWE muri iki gikorwa, yasobanuye byimbitse Ihuriro ry’Ubumwe n’Ubudaheranwa mu mashuri. Yagaragaje ko iryo huriro rihuza urubyiruko mu mashuri Makuru na Kaminuza, rikaba rigamije gukomeza kubaka ubushobozi n’ubudahangarwa by’urubyiruko nk’uburyo bwo gukomeza kuruha urubuga baganiriramo, rukabafasha gutanga umusanzu wabo mu rugamba rwo kubaka u Rwanda ruzira amacakubiri no kwiyubakamo ubudaheranwa. Yanagaraje inshingano z’Ihuriro ry’Ubumwe n’Ubudaheranwa harimo kwimakaza ubumwe bw’Abanyarwanda binyuze mu biganiro bihoraho bihuza abanyeshuri; kwifashisha ubuhamya bw’abagize Ihuriro mu kwigisha urundi rubyiruko; no kuba umusemburo w’ibikorwa byimakaza Ndi Umunyarwanda.

Mu ijambo rye, Umuyobozi wa Komisiyo yo kuvugurura amategeko, Domitilla Mukantaganzwa, wari umushyitsi mukuru muri iki gikorwa, akaba n’umunyamuryango wa Unity Club, yashimiye abanyeshuri umuhate bashyize mu gukora ubushakashatsi kugira ngo banoze ibihangano byabo kuko byabafashije gusobanukirwa neza gahunda ya Ndi Umunyarwanda. Yasabye abanyeshuri kugira uruhare mu kubaka u rwanda twifuza bimakaza gahunda ya Ndi Umunyarwanda aho bari hose. Yanafunguye Ihuriro ry’Ubumwe n’Ubudaherwanwa muri IPRC Musanze nk’urubuga urubyiruko ruzifashisha mu gutanga umusanzu mu kubaka u Rwanda ruzira amacakubiri.

Protais Niyonshima
Ag. Public Relations and Communication Officer