Kuri uyu wa gatanu tariki ya 04 Werurwe 2022, muri IPRC Musanze hasojwe icyumweru cyo kwakira intore mu zindi muri uyu mwaka w’amashuri wa 2021-2022; iki cyumweru cyatangiye kuwa 28 Gashyantare 2022. Muri uyu mwaka intore nshya zigera kuri 622 ni zo zimaze icyumweru zihabwa amasomo atandukanye yibanda ku burere mboneragihugu ndetse n’imyigire n’imyigishirize.

Ibiganiro byuje impanuro n’inyigisho zifasha kwimakaza indangagaciro ziranga umunyarwanda ubereye u Rwanda, byatanzwe n’inararibonye n’impuguke zitandukanye. Bimwe muri ibyo biganiro harimo ‘Umuco w’ubutwari’ cyatanzwe na Bwana Rwaka Nicolas wo mu Rwego rw’Igihugu rushinzwe Intwari z’Igihugu, Imidari n’Impeta by’ishimwe, ‘Ndi Umunyarwanda’ cyatanzwe na Bishop John Rucyahana, ‘Isano muzi y’Abanyarwanda nk’umurage wabo’ cyatanzwe na Principal Eng. Emile Abayisenga, ‘Umuco wo kuzigama’ cyatanzwe na Vice Mayor Andrew Mpuhwe Rucyahana w’akarere ka Musanze, ‘Uruhare rw’umuco n’indangagaciro zawo mu kubaka umunyeshuri wagirira akamaro igihugu’ cyatanzwe na Nkurayija Eric Umuyobozi ushinzwe Imibereho Myiza y'Abanyeshuri muri IPRC Musanze, ‘Uruhare rw’Urubyiruko mu gukemura ibibazo by’abaturage’ cyatanzwe na Ituze Nicole Umuhuzabikorwa w’urubyiruko mu karere ka Musanze, ‘Ndi Nyampinga,’ cyahawe abakobwa, cyatanzwe na Nyiramugisha Denise ukuriye CNF mu karere ka Musanze.

Mu muhango wo gusoza Icyumweru cyo Kwakira Intore mu Zindi, Umuyobozi wa IPRC Musanze, Eng. Abayisenga Emile yasobanuye ko iyi gahunda yashyizweho n’Itorero ry’Igihugu na Minisitieri y’Uburezi hagamijwe gufasha abanyeshuri bashya gusobanurirwa ibyo baje kwiga no kwiga amasomo y’uburere mboneragihugu. Yahaye intore nshya izina ry’Intagamburuzwa maze aziha ikaze mu mutwe w’intore, ‘Abadatsikira’ ba IPRC Musanze. Yashishikarije intore nshya kurangwa n’indangagaciro n’umurava mu byo bakora kugira ngo bazarangize amasomo yabo neza kandi ku gihe.

Nkurayija Eric, Umuyobozi ushinzwe imibereho myiza y’abanyeshuri, yabwiye abitabiye uyu muhango ko abanyeshuri bashya bahawe ibiganiro bitandukanye, biga akarasisi, ndetse bigishwan’imikorongiro byose bigamije kubungura ubumenyi, kubafasha kudasobanya no gushaka ibisubizo. Yasobanuye kandi ko mu rwego rwo gusigagasira indangagaciro tuvoma mu muco nyarwanda, abanyeshuri bagiraga umwanya wo gutarama mu mbyino n’ibindi bihangano bitandukanye byuje indangagaciro na kirazira bikwiye kuranga intore.

Asoza iki cyumweru cyo kwakira intore mu zindi, Umuyobozi w’akarere ka Musanze, Ramuli Janvier yashimiye Minisiteri y’uburezi yashyizeho gahunda y’icyumweru cyo kwakira intore mu zindi kubera ko ubumenyi bw’ubuhahano iyo bufatanye n’indagaciro ari bwo bugirira igihugu akamaro. Yabwiye intore ko u Rwanda rwagize abantu bize ariko baburaga ikintu gikomeye giherekeza ubumenyi ari bo basenye ubumwe bw’abanyarwanda. Umuybozi w’akarere yashimangiye ko ubumenyi bwigwa bugira agaciro iyo bujyanye n’indangagaciro na kirazira. Yasabye intore kurangwa n’ubumenyi ndetse n’indangacirokugira ngo batange umusanze mu kubaka igihugu. Yongeyeho ko amasomo bahawe yababera urufunguzo rubafasha kwanga kugoma, kwanga gutsikira, aboneraho no kubizeza ubufatanye bw’akarere mu kwesa imihigo no kubaka igihugu. 

Muri uyu muhango Intagamburuzwa zahize imihigo y’umwaka wa 2021-2022, izibanda kugukunda igihugu, ubumwe, gukunda umurimo, kwizigama no kugira uruhare mu gukemura ibibazo bibangamiye abaturage.

Protais NIYONSHIMA

Ag. PRCO

Kuri uyu wa gatanu tariki ya 04 Werurwe 2022, muri IPRC Musanze hasojwe icyumweru cyo kwakira intore mu zindi muri uyu mwaka w’amashuri wa 2021-2022; iki cyumweru cyatangiye kuwa 28 Gashyantare 2022. Muri uyu mwaka intore nshya zigera kuri 622 ni zo zimaze icyumweru zihabwa amasomo atandukanye yibanda ku burere mboneragihugu ndetse n’imyigire n’imyigishirize.

Ibiganiro byuje impanuro n’inyigisho zifasha kwimakaza indangagaciro ziranga umunyarwanda ubereye u Rwanda, byatanzwe n’inararibonye n’impuguke zitandukanye. Bimwe muri ibyo biganiro harimo ‘Umuco w’ubutwari’ cyatanzwe na Bwana Rwaka Nicolas wo mu Rwego rw’Igihugu rushinzwe Intwari z’Igihugu, Imidari n’Impeta by’ishimwe, ‘Ndi Umunyarwanda’ cyatanzwe na Bishop John Rucyahana, ‘Isano muzi y’Abanyarwanda nk’umurage wabo’ cyatanzwe na Principal Eng. Emile Abayisenga, ‘Umuco wo kuzigama’ cyatanzwe na Vice Mayor Andrew Mpuhwe Rucyahana w’akarere ka Musanze, ‘Uruhare rw’umuco n’indangagaciro zawo mu kubaka umunyeshuri wagirira akamaro igihugu’ cyatanzwe na Nkurayija Eric Umuyobozi ushinzwe Imibereho Myiza y'Abanyeshuri muri IPRC Musanze, ‘Uruhare rw’Urubyiruko mu gukemura ibibazo by’abaturage’ cyatanzwe na Ituze Nicole Umuhuzabikorwa w’urubyiruko mu karere ka Musanze, ‘Ndi Nyampinga,’ cyahawe abakobwa, cyatanzwe na Nyiramugisha Denise ukuriye CNF mu karere ka Musanze.

Mu muhango wo gusoza Icyumweru cyo Kwakira Intore mu Zindi, Umuyobozi wa IPRC Musanze, Eng. Abayisenga Emile yasobanuye ko iyi gahunda yashyizweho n’Itorero ry’Igihugu na Minisitieri y’Uburezi hagamijwe gufasha abanyeshuri bashya gusobanurirwa ibyo baje kwiga no kwiga amasomo y’uburere mboneragihugu. Yahaye intore nshya izina ry’Intagamburuzwa maze aziha ikaze mu mutwe w’intore, ‘Abadatsikira’ ba IPRC Musanze. Yashishikarije intore nshya kurangwa n’indangagaciro n’umurava mu byo bakora kugira ngo bazarangize amasomo yabo neza kandi ku gihe.

Nkurayija Eric, Umuyobozi ushinzwe imibereho myiza y’abanyeshuri, yabwiye abitabiye uyu muhango ko abanyeshuri bashya bahawe ibiganiro bitandukanye, biga akarasisi, ndetse bigishwan’imikorongiro byose bigamije kubungura ubumenyi, kubafasha kudasobanya no gushaka ibisubizo. Yasobanuye kandi ko mu rwego rwo gusigagasira indangagaciro tuvoma mu muco nyarwanda, abanyeshuri bagiraga umwanya wo gutarama mu mbyino n’ibindi bihangano bitandukanye byuje indangagaciro na kirazira bikwiye kuranga intore.

Asoza iki cyumweru cyo kwakira intore mu zindi, Umuyobozi w’akarere ka Musanze, Ramuli Janvier yashimiye Minisiteri y’uburezi yashyizeho gahunda y’icyumweru cyo kwakira intore mu zindi kubera ko ubumenyi bw’ubuhahano iyo bufatanye n’indagaciro ari bwo bugirira igihugu akamaro. Yabwiye intore ko u Rwanda rwagize abantu bize ariko baburaga ikintu gikomeye giherekeza ubumenyi ari bo basenye ubumwe bw’abanyarwanda. Umuybozi w’akarere yashimangiye ko ubumenyi bwigwa bugira agaciro iyo bujyanye n’indangagaciro na kirazira. Yasabye intore kurangwa n’ubumenyi ndetse n’indangacirokugira ngo batange umusanze mu kubaka igihugu. Yongeyeho ko amasomo bahawe yababera urufunguzo rubafasha kwanga kugoma, kwanga gutsikira, aboneraho no kubizeza ubufatanye bw’akarere mu kwesa imihigo no kubaka igihugu. 

Muri uyu muhango Intagamburuzwa zahize imihigo y’umwaka wa 2021-2022, izibanda kugukunda igihugu, ubumwe, gukunda umurimo, kwizigama no kugira uruhare mu gukemura ibibazo bibangamiye abaturage.

Protais NIYONSHIMA

Ag. PRCO